📍На «Каменным Логу» распачалі маштабную рэканструкцыю, якая скончыцца толькі ў 2029-м Аднак зачыняць гэты КПП на мяжы з Літвою на час правядзення мадэрнізацыі не будуць. Дзяржаўны памежны камітэт абяцае, што змены схемы руху ніяк не паўплываюць на прапускную здольнасць. У часе працаў цалкам пераробяць будынкі пункту пропуску, а таксама зменяць каналы руху. Паводле плану, пасля заканчэння рэканструкцыі прапускная магутнасць павялічыцца ў тры разы. Мінулы раз «Каменны Лог» мадэрнізавалі больш за 20 гадоў таму.