Былы кіраўнік Талачынскага раёна шэсць гадоў аднаўляў 200-гадовую капліцу-пахавальню князёў Хамянтоўскіх у вёсцы Равучча Ён працаваў уласнымі рукамі і фінансаваў рэканструкцыю з пенсіі, а таксама прымаў дапамогу спонсараў. Капліца была амаль цалкам разбураная: абваліліся дах, столь і падлога. Рэстаўрацыю завяршылі ў 2024 годзе. У будынак вярнулі пяць надмагільных помнікаў прадстаўнікоў роду Хамянтоўскіх. Цяпер капліца адкрытая для наведнікаў, сюды прыязджаюць турысты, а па вялікіх святах праходзяць набажэнствы — піша Onliner.