😱 У Лёзне ў гаражы знайшлі бідоны з чалавечымі парэшткамі У гаражы сям'і пенсіянеркі знайшлі металічныя і пластыкавую ёмістасці з чалавечымі парэшткамі. Іх выявілі падчас пошукаў жанчыны, пра знікненне якой у міліцыю паведаміла дачка. Паводле тэлеграм-канала «Витебск, я гуляю!», сама дачка магла расчляніць маці і захоўваць яе парэшткі ў саляным растворы. Мяркуецца, што жанчына загінула некалькі гадоў таму, а дачка ўвесь гэты час атрымлівала за яе пенсію. Следчы камітэт пакуль не пацвердзіў гэтыя звесткі. Прызначаная экспертыза, якая павінна ўстанавіць асобу загінулай і прычыну смерці.