☝️Сірыйскі інвестар абяцаў адрадзіць сельскую гаспадарку, цяпер маёмасць прадаюць з аўкцыёну На Браслаўшчыне маёмасць кампаніі "Экзіта прайм", з сірыйцам у заснавальніках, выставілі на аўкцыён 30 аб'ектаў на суму паўмільёна рублёў. Гэта кароўнікі, цялятнікі, майстэрні, склады, а таксама 12 жылых дамоў і кватэр, сельскі клуб, ФАП і дзіцячы сад. Самы танны жылы дом у вёсцы Карасіна ацанілі ўсяго ў 1400 рублёў. Кампанію заснавалі мянчук Мікалай Сопін і грамадзянін Сірыі Гайсам Сэтахі ў 2022 годзе. Адрадзіць выкупленыя фермы не ўдалося: ужо ў 2024 годзе з'явіліся паведамленні аб адсутнасці працы і нізкіх заробках. Суд прызнаў кампанію банкрутам. У 2025 годзе Гайсам Сэтахі атрымаў беларускае грамадзянства. Цяпер маёмасць кампаніі, якая павінна была ратаваць сельскую гаспадарку Браслаўшчыны, распрадаюць па частках. 🤷