🤨️️️️️ «Беларусь паступова знікае як самастойная палітычная праблема» Пасля ўдзелу ў польскай Канферэнцыі па ўсходняй палітыцы сваімі ўражаннямі ў фэйсбуку падзяліўся журналіст Дзмітрый Гурневіч: «Беларусь паступова знікае як самастойная палітычная праблема. Гэта, магчыма, адна з самых небяспечных рэчаў, якія адбыліся з Беларуссю за апошнія гады. Хіба не пра такую «незалежнасць» марылі тыя, хто гадамі паўтараў мантру, што Лукашэнка – яе гарант? Што ж, маеце. Калі Лукашэнка быў патрэбны, каб захаваць незалежнасць, то вось вынік: свет усё часцей перастае бачыць Беларусь асобна ад Расеі. Нашу краіну проста перастаюць успрымаць як суб’ект, перастаюць шукаць і асобную палітыку адносна яе. Гэта сапраўдная параза апошніх гадоў. Не тое, што пра Беларусь сталі менш пісаць. А тое, што іншыя паступова перастаюць уяўляць Беларусь без Расеі. І гэта кепская навіна не толькі для дэмсілаў, але і для рэжыму, які зацягнуў краіну ў такое балота, адкуль цэлым ён ужо не выйдзе».