🇱🇹 Літоўскія службы перахапілі метэазонд з кантрабанднымі цыгарэтамі непадалёк ад мяжы з Беларуссю. Затрыманыя два мясцовыя жыхары Паведамляецца, што памежнікі заўважылі метэазонд яшчэ ў паветры, пасля чаго працягнулі назіранне і аператыўна выехалі ў кропку, дзе аб'ект мог прызямліцца. Гэты пункт выявіўся каля вёскі Лаўкінікай Салечніцкага павету. Там службоўцы акурат натрапілі на двух мужчынаў, якія прыехалі «лавіць» незаконны тавар і перагружалі яго ў аўтамабіль VW Passat. Затрыманым – 37 і 20 гадоў, яны пражываюць у ваколіцах Вільні. Пры сабе мужчыны мелі прыбор начнога бачання і некалькі нажоў. Што тычыцца метэазонду, то ён нёс на сабе 3 тысячы пачкаў цыгарэт гарадзенскай фабрыкі «Нёман». Агульны кошт кантрабанднага грузу ацэньваецца прыкладна ў €16 500.