🤦🏼У Дагестане беларуску аштрафавалі за відэа з лагатыпам Instagram Кізлярскі раённы суд Дагестана аштрафаваў грамадзянку Беларусі на 1000 расейскіх рублёў (каля 12 долараў ) за публікацыю ў Telegram відэа з сімволікай Instagram. Суд прызнаў жанчыну вінаватай у дэманстрацыі забароненай сімволікі. Беларуска прызнала віну і сказала, што згубіла тэлефон, з якога апублікавала відэа. Суд улічыў таксама, што на яе ўтрыманні двое непаўналетніх дзяцей. У Расеі кампанія Meta, якой належыць Instagram, прызнаная экстрэмісцкай і забараненая.