💬 «Расея трымае Лукашэнку за горла» Паводле палітычнага аглядальніка Ігара Тышкевіча, цяпер у афіцыйнага Менску з'явілася больш магчымасцяў для манеўру паміж Расеяй, ЗША, Кітаем і нават турэцка-азербайджанскім кірункам. «Уцягванне ў вайну, якую Расея не можа выйграць саматужкі, станам на сёння я лічу менш верагодным, чым паўтара года таму» Аднак гэта не азначае, што Крэмль адмовіўся ад сваіх планаў. На думку эксперта, цяпер Масква спрабуе зрабіць Беларусь «таксічным» партнёрам для Захаду і Усходу, каб паказаць, што дамаўляцца з Менскам без яе няма сэнсу.