Прэзідэнт Украіны заявіў пра гатоўнасць да замарожвання вайны па цяперашняй лініі фронту «Так, мы гатовыя спыніць гэтую вайну як мага хутчэй. Замарозіць канфлікт па лініі фронту проста цяпер», – сказаў ён у інтэрв’ю ABC News. Паводле Зяленскага, Украіна ўсё адно не пагодзіцца прызнаць, што часова акупаваныя тэрыторыі сталі расейскімі. Украінскі лідар таксама адзначыў, што Расея сёння кантралюе менш за чвэрць тэрыторыі Украіны. «Калі нехта кажа пра 25 %, гэта азначае, што мы павінны адмовіцца ад усяго Данбасу. Гэта будзе азначаць, што яны (расейцы) кантралююць 25 %. Цяпер яны кантралююць 19,3 %», – заявіў ён.