🤷 Агароджы, помнікі, вянкі і крыжы Так выглядаюць могілкі, але гэтыя — для жывёлаў. Каля Бабруйску стыхіныя пахаванні выпадкова выявіў мясцовы жыхар у лесе, за сотню метраў ад жылых дамоў. Бабруйчанін абураецца, што лес паступова ператвараецца ў месца збору пластыку і прапаноўвае замест агароджаў і крыжоў на месцы пахавання гадаванцаў саджаць дрэвы. Да таго ж адвольныя пахаванні жывёлаў у Беларусі забароненыя. Але падобныя могілкі ёсць і ў Магілёве каля гаражнага масіву «Магілёўхімвалакна». ☝️