☝️Прыбіральня ў Драздах, як дыхтоўны дом у прыгарадзе Грамадскую прыбіральню на пляжы ў Драздах прадалі за 268 тысяч 552 рублі (каля 90 тысяч долараў). Дзяржкамітэт па маёмасці паведаміў, што прыбіральня мае плошчу 192,7 квадратных метраў. Канкурэнцыі не было: на таргі зарэгістраваўся адзін удзельнік і аўкцыён прызналі несапраўдным. За гэты кошт пакупніку дастаўся не толькі будынак, але і электратэхнічнае абсталяванне. Хто купіў прыбіральню за такія грошы і што плануе з ёй рабіць, невядома. ☝️