Расея ноччу атакавала ўкраінскую цеплаэлектрастанцыю У выніку ўдараў прадпрыемства цалкам спыніла выпрацоўку электраэнергіі. «Абсталяванне атрымала істотныя пашкоджанні. З пачатку поўнамаштабнага ўварвання ТЭС ДТЭК падвяргаліся атакам больш за 230 разоў», – паведамілі ў кампаніі. Расейцы таксама атакавалі беспілотнікамі Сумы, Харкаў, Палтаву і Дняпрапятроўскую вобласць. Пад удары трапілі жылыя дамы і інфраструктура, пацярпелі мірныя жыхары. Паводле ЗСУ, ноччу былі збітыя 140 варожых БПЛА тыпаў «Шахед», «Гербера» і іншых мадэляў. З іх 68 былі рэактыўнымі.