🤬 «Свядомая прага зрабіць як мага больш стратаў і згубы цывільным» У ноч на 22 кастрычніка Расея атакавала Кіеў балістычнымі ракетамі. Адна з ракет з касетнай боегалоўкай трапіла на тэрыторыю паміж Кіева-Пячэрскай лаўрай і Свята-Уведзенскім манастыром. У выніку начной атакі на Кіеў загінуў адзін чалавек, яшчэ прынамсі 24 атрымалі раненні, у тым ліку сем дзяцей. Каментуючы ўдар, Уладзімір Зяленскі сказаў, што расейсцы білі туды свядома і мелі на мэце ўразіць менавіта цывільных жыхароў, бо паблізу няма вайсковых аб'ектаў: «Гэта свядомы выбар зброі, свядомы выбар раёну прымянення, свядомая прага зрабіць як мага больш стратаў і згубы цывільным».