«Асобныя праблемы з абменам палітвязняў». Лукашэнка сабраў нараду з МЗС і сілавікамі і заявіў пра прагрэс у перамовах з ЗША Але дыктатар не ўдакладніў, у чым канкрэтна той прагрэс заключаецца: «Ёсць зрухі па многіх пытаннях, нягледзячы на тое, што уздымаюцца асобныя праблемы, як яны кажуць, з абменам палітвязняў на скасаванне санкцыяў і гэтак далей. Шмат і іншых пытанняў, звязаных з амбасадамі, — сёння ў нас на стале», — сказаў Лукашэнка. На нарадзе прысутнічалі кіраўнікі КДБ, МЗС і Генпракуратуры, а таксама пастаянны прадстаўнік Беларусі пры ААН Валянцін Рыбакоў. Учора стала вядома, што ЗША выключылі з санкцыйнага спісу гендырэктара «Беларуськалія» Андрэя Рыбакова, які трапіў пад абмежаванні ў жніўні 2021 года.