🐦 У аграгарадку Буйнічы пад Магілёвам засталася зімаваць стая буслоў Мясцовыя жыхары падкормліваюць птушак, а Магілёўскі заасад ужо гатовы прыняць іх на зімоўку ў цёплыя вальеры, калі спатрэбіцца. Сярод магчымых прычын, чаму буслы не паляцелі, – позні вывадак, траўмы або смерць бацькоў, якія не паспелі навучыць птушанят. Таксама, кажуць спецыялісты, магла паўплываць падкормка людзьмі. Птушкі адвыкаюць самастойна здабываць ежу і разлічваюць на дапамогу чалавека. Летась у Буйнічах таксама застаўся зімаваць адзін бусел, але сёлета, падобна, у яго будзе цэлая кампанія.