📍Лукашэнка прызначыў новага кіраўніка Віцебскага аблвыканкаму – старога знялі з пасады ў сувязі з хваробаю Гаворка пра Аляксандра Рагожніка (на фота), які ачольваў паўночны рэгіён Беларусі з 15 студзеня гэтага года. Да таго ён быў амбасадарам РБ у Расеі, правёўшы ў гэтай ролі 1,5 года. Яшчэ раней Рагожнік быў міністрам прамысловасці і кіраваў шэрагам заводаў. Што за хвароба ў яго – не раскрываецца. Новы старшыня Віцебскага аблвыканкаму, згодна з пастановаю Лукашэнкі, – Сяргей Ляўковіч (намеснік папярэдняга кіраўніка).