👨🏼💻 Набліжаны да Баскава і асуджаны за махлярства стартапер адкрыў выставу па ШІ ў Беларусі У Менску пачаўся AI ATOM GLOBAL EXPO 2026 – форум пра штучны інтэлект і новыя тэхналогіі. Яго заснавальнік – Дзмітрый Саксонаў пратэжэ скандальна вядомага чыноўніка Дзмітрыя Баскава. Цікавы факт, што ў 2018 годзе Саксонава асудзілі на чатыры гады калоніі за махлярства з грашыма, крыптавалютаю і абсталяваннем для крыптафермаў. Пацярпелымі тады прызналі 38 чалавек, а шкоду ацанілі больш як у 1,15 млн рублёў. Цяпер на выставе абяцаюць паказаць больш за 50 праектаў і стартапаў. У праграме пазначаныя 58 спікераў. Апроч стартапераў, праграмістаў і бізнесоўцаў, сярод іх – былы дарадца Інстытуту нацыянальнай бяспекі Беларусі, былы афіцэр разведкі Сінгапуру і кіраўнік Прафесійнага саюзу рускіх праграмістаў.