Трамп пацвердзіў жаданне купляць беларускі калій «У Беларусі шмат калію, а нашым фермерам патрэбныя добрыя цэны, і мы хочам атрымаць цану ніжэйшую, чым у Канадзе», – заявіў ён падчас сумеснага брыфінгу з Зяленскім у ААН. Паводле прэзідэнта ЗША, нашая краіна «хацела б прадаваць калій па значна ніжэйшай цане». На пытанне журналісткі, ці не турбуе яго, што сродкі ад такой магчымай угоды могуць неяк узмацніць пазіцыі Расеі на міжнароднай арэне, Трамп адказаў: «Не, аніколькі».