🤷♂️ Катаванні «забароненыя», палітвязняў няма Такую версію правоў чалавека ў Беларусі падаюць прадстаўнікі афіцыйнага Менску прадстаўніцтву ААН. Так Беларусь пагадзілася «змагацца з усімі актамі катаванняў», але адмовілася ад прапановы расследаваць такія выпадкі і прыцягваць вінаватых да адказнасці. Гатовая «рухацца ў кірунку адмены смяротнага пакарання», але не ўводзіць мараторый. Гаворка ідзе пра Універсальны перыядычны агляд (УПА). Прыкладна раз на пяць гадоў краіны – чальцы ААН ацэньваюць сітуацыю з правамі чалавека адна ў адной і даюць рэкамендацыі. Дзяржава можа іх прыняць або адхіліць, а таксама заявіць, што ўжо выканала. Беларускі Хельсінкскі камітэт параўнаў, як Беларусь адказвала на рэкамендацыі ААН у 2020 і 2025 гадах. «Белсат» выбраў найбольш паказальныя прыклады. ☝️