💬 «Нічога не вырвана з кантэксту. Зразумелі правільна» Вядоўца праграмы «Звычайны вечар» Канстанцін Каверын папрасіў прабачэння ў Святланы Ціханоўскай за пытанне пра магчымую «адкрытую фотасесію» дзеля прыцягнення ўвагі да беларускіх палітвязняў. Пасля хвалі крытыкі журналіст прызнаў, што ягоная фармулёўка была памылковай. «Нічога, акрамя няёмкасці, яна не выклікае. Гэта мая памылка. Мая віна», – напісаў Каверын. Скандал разгарэўся пасля эфіру, у якім вядоўца задаў Ціханоўскай пытанне пра магчымасць такой фотасесіі. Заява выклікала рэзкую рэакцыю, у тым ліку з боку беларускіх феміністак, якія назвалі гэта абясцэньваннем яе палітычнай працы.