🔹У Ваўкавыску адкрыецца навучальны пункт пры Саюзе палякаў. У 2022-м у гэтым райцэнтры перавялі польскамоўную школу на расейскую Пра гэта піша Анджэй Пачобут, які гэтымі днямі наведвае асяродкі Саюзу палякаў у разнастайных гарадах Беларусі: «Кіраўнік аддзелу СПБ Ежы Чупрэта асабіста паказаў мне месца, дзе ад заўтра дзеці змогуць вучыць польскую мову. Ваўкавыск – гэта для нас стратэгічнае месца, у 2022-м тут "зрусіфікавалі" польскую школу» Сапраўды, увесну 2022-га адміністрацыя сярэдняй школы №8 у Ваўкавыску здзівіла бацькоў вучняў навіною пра тое, што ад новага навучальнага году ўсё выкладанне будзе весціся па-расейску. Для польскай мовы і літаратуры тады пакінулі ўсяго па гадзіне на тыдзень.