👀 Літовец спрабаваў завезці ў Беларусь беспілотнік. Гэта скончылася для яго праблемамі Дзяржаўны памежны камітэт паведамляе, што 32-гадовы мужчына меў намер заехаць на тэрыторыю РБ з Латвіі ў суботу праз пункт пропуску «Грыгароўшчына». У ягоным легкавіку выявілі коптэр, што супярэчыць цяперашнім беларускім законам. Для фізічных асобаў увоз у Беларусь беспілотных лятальных апаратаў якога-кольвек тыпу забаронены. БПЛА быў сканфіскаваны, а грамадзяніну Літвы пагражае штраф памерам да 30 базавых велічыняў (1350 рублёў).