💁🏻♂️ У спісе «экстрэмісцкіх матэрыялаў» апынуўся Instagram-акаўнт, што публікуе фрагменты жыцця Беларусі перыяду адноснай «нармальнасці» Гаворка пра старонку «1000bielarus». На ёй можна знайсці фрагменты легендарных тэлевізійных шоу старога БТ, музычныя кліпы і рэкламныя ролікі, што сталі культавымі ў перыяд з 90-х па 2010-я, кавалкі рарытэтных спартовых трансляцыяў з удзелам беларускіх зборных ды клубаў, архіўныя кадры Менску ды абласных цэнтраў 20-гадовай і 30-гадовай даўніны. На акаўнт цяпер падпісаныя каля 11,5 тысяч карыстальнікаў.