Расейцы ўдарылі па аўтобусах у Адэсе Удар прыйшоўся па мясцовай аўтастаянцы з транспартам. Тры асобы атрымалі раненні. За ноч таксама былі атакаваныя Запарожская і Днепрапятроўская вобласці. Пацярпелі як мінімум сем чалавек, адзін з іх – дзіця. Паводле ўкраінскіх уладаў, пашкоджаныя дзіцячы садок, кавярня, аўтамабілі, аб’екты інфраструктуры і адно з прадпрыемстваў. У сваю чаргу, Мінабароны РФ заявілі, што атакавалі толькі парты Украіны.