📹«Атом маманы» айдарының бүгінгі кейіпкері — Аслан Алмағамбет Ол Әл-Фараби атындағы Қазақ ұлттық университетінде «Техникалық физика» мамандығын тәмамдаған, 2016 жылы кәсіби жолын Ядролық физика институтында бастады. Мұнда ол ССР-Қ зерттеу реакторында еңбек етіп, теориялық білімін тәжірибемен ұштастырды. Біліктілігін одан әрі шыңдау мақсатында Аслан «Болашақ» халықаралық бағдарламасының стипендиаты атанып, Ұлыбританияның Бирмингем университетінде (University of Birmingham) «Ядролық реакторлардың физикасы және технологиясы» мамандығы бойынша магистр дәрежесін алды. 2024 жылы шетелде жинаған білімімен Ядролық физика институтына қайта оралды. Он жылдан астам уақыт ішінде ол ССР-Қ зерттеу реакторының басқару және қорғау жүйелері қызметінің басқару инженері қызметінен ауысым басшысына дейінгі кәсіби жолдан өтті.