🌸Атом саласы — бұл көп жылғы кәсіби тәжірибесімен еліміздің радиациялық қауіпсіздігін қамтамасыз етуге үлес қосып жүрген мамандардың еңбегі Бүгінгі «Атом маманы» айдарының кейіпкері — Ғылым және инновациялар департаментінің бас консультанты Евгения Мұстафина. Ол Семей қаласында дүниеге келген. Шәкәрім Құдайбердіұлы атындағы университетті «Физика» мамандығы бойынша тәмамдап, студент кезінен Ұлттық ядролық орталықта тағылымдамадан өткен. Кейін Курчатов қаласына қоныс аударып, Ұлттық ядролық орталықта 20 жыл еңбек етті. Осы уақыт ішінде директордың орынбасары қызметіне дейін көтерілді. Кәсіби қызметінде Семей сынақ полигонының аумағын зерттеуге және Қазақстан аумағындағы радиациялық қауіпсіздік мәселелеріне қатысты жұмыстарға атсалысты. Бүгінде Евгения өзінің мол тәжірибесі мен білімін атом саласын дамытуға және елімізде қауіпсіздік мәдениетін нығайтуға бағыттап келеді.