🆕Атом саласының дамуы — ғылымға адал берілген, өз ісін терең меңгерген мамандардың еңбегімен тығыз байланысты Бүгінгі «Атом маманы» айдарының кейіпкері — ҚР Ұлттық ядролық орталығының «Атом энергиясы институты» филиалының радиациялық материалтану зертханасының бастығы, PhD, қауымдастырылған профессор Ержан Ернатұлы Сапатаев. Ержан Сапатаев Семей мемлекеттік Шәкәрім университетінде «Физика» мамандығын тәмамдап, кейін Д. Серікбаев атындағы Шығыс Қазақстан мемлекеттік техникалық университетінде магистратура мен докторантурада білім алды. Ол атом энергетикасымен кәсіби жолын 2010-жылдардың басында байланыстырып, «Атом энергиясы институтында» қатардағы ғылыми қызметкерден зертхана басшысына дейінгі жолдан өтті. Бүгінде ғалым радиациялық материалтану, реакторлардың қауіпсіздігі және экстремалды жағдайларда жұмыс істейтін материалдардың қасиеттерін зерттеумен айналысады. Сонымен қатар халықаралық ғылыми жобаларға қатысып, атом энергетикасының қауіпсіз әрі сенімді дамуына өз үлесін қосып келеді. Ғылымды мамандық емес, өмірлік жолы еткен Ержан Сапатаевтың кәсіби тарихы — атом саласында жаңа буын ғалымдарын қалыптастырудың жарқын үлгісі.