📎Атом саласы — бұл білім, тәжірибе және оның дамуына күн сайын өз үлесін қосып жүрген мамандар Бүгінгі «Атом маманы» айдарының кейіпкері — Қазақстан Республикасы Атом энергиясы жөніндегі агенттігінің Ғылым және инновациялар департаментінің бас консультанты Салтанат Дабылова. Салтанат Еуразия ұлттық университетін «Ядролық физика» мамандығы бойынша тәмамдаған. Кейін осы мамандық бойынша Дубна қаласында қос дипломды білім беру бағдарламасы аясында білімін жалғастырды. Оның кәсіби жолы дәл осы қалада Біріккен ядролық зерттеулер институтында басталды. 10 жыл ішінде Салтанат зертханада лаборанттан бастап ғылыми жетекшіге дейінгі кәсіби жолдан өтті. 2024 жылы «Ядролық физика» мамандығы бойынша PhD дәрежесін алды. 2025 жылдан бастап Салтанат Қазақстан Республикасы Атом энергиясы агенттігінде қызмет етіп, елдің ғылымы мен атом саласын дамытуға өз үлесін қосып келеді.