ҚР Атом энергиясы жөніндегі агенттігі

Қауіпсіздік пен экология мәселелеріне де ерекше назар аударылды. Агенттік басшысы қауіпсіздік атом жобасын іске асырудың барлық кезеңіндегі – технологияны таңдаудан бастап станцияны пайдалануға дейінгі – басты шарт екенін атап өтті. Заманауи АЭС қорғаныстың бірнеше тәуелсіз деңгейін және радиациялық бақылаудың тұрақты жүйелерін қарастырады, сондай-ақ ұлттық талаптар мен Атом энергиясы жөніндегі халықаралық агенттіктің (АЭХА) стандарттарына сәйкес келеді. АЭС-тің Балқаш көліне ықпалы туралы сұрақтарға жауап берген Алмасадам Сәтқалиев энергоблоктарды салқындату үшін суды тұйық циклде бірнеше рет пайдалану көзделгенін хабарлады. Мұндай тәсіл су ресурстарын тұтынуды барынша азайтуға және пайдаланылған судың тікелей су айдынына төгілуіне жол бермеуге мүмкіндік береді. Кездесуді қорытындылай келе, Агенттік Төрағасы студенттерді білімдерін үнемі жетілдіруге және жаңа технологияларды меңгеруге шақырды. Оның айтуынша, болашақтың негізгі дағдыларының бірі – үздіксіз білім алу. Ал ядролық физика саласындағы іргелі білімді бағдарламалау, жасанды интеллект және үлкен деректерді талдау салаларындағы құзыреттермен ұштастыра алатын мамандар ерекше сұранысқа ие болады. «Бүгінгі студенттерге жаңа салада жай ғана жұмыс істеу емес, оны қалыптастыруға тікелей қатысу міндеті тұр», – деп атап өтті Алмасадам Сәтқалиев.