💠Бүгінгі «Атом маманы» айдарының кейіпкері — Атом өнеркәсібі және жер қойнауын пайдалану департаментінің бас консультанты Көбей Абылай Саятұлы. Абылай 2019 жылы Л.Н. Гумилев атындағы Еуразия ұлттық университетін «Ядролық физика» мамандығы бойынша тәмамдаған және 7 жылдан бері өз мамандығы бойынша еңбек етіп келеді. Ол еңбек жолын Ресей Федерациясының Дубна қаласындағы Біріккен ядролық зерттеулер институтында бастаған. «Дубна» мемлекеттік университетінде қос дипломды білім беру бағдарламасы бойынша қатар білім алып, аға зертханашыдан инженерге дейінгі еңбек жолынан өтті. Осы кезеңде ядролық физика саласында мол практикалық тәжірибе жинақтады. Кәсіби білімін одан әрі жетілдіріп, магистратураны тәмамдаған Абылай бүгінде өз білімі мен тәжірибесін Қазақстанның атом саласын дамытуға бағыттап келеді. Абылайдың кәсіби жолы — жас маманның атом саласында өз орнын тауып, үздіксіз дамып, саланың дамуына өз үлесін қоса алатынының жарқын үлгісі.