💫«Атом маманы» айдарының бүгінгі кейіпкері — Ядролық физика институтының сындық стенд ауысымының бастығы Тимур Халила Ол әл-Фараби атындағы Қазақ ұлттық университетін «Физика және астрономия» мамандығы бойынша тәмамдап, 2021 жылы бакалавр, 2024 жылы магистр дәрежесін алды. Еңбек жолын 2021 жылы институттың Радиациялық қауіпсіздік бөлімінде бастады. Бүгінде Тимур сындық стендтің қауіпсіз жұмысын қамтамасыз етеді, реакторлық параметрлер мен сындық жинақтың жай-күйін бақылайды, эксперименттерді ұйымдастыруға және жүргізуге қатысады. Ол ғылыми конференциялар мен халықаралық оқу бағдарламаларына қатысып, кәсіби біліктілігін арттырып келеді. Мақсаты — Қазақстанның атом энергетикасы саласының дамуына өз үлесін қосу.