Агенттікте Әдеп кодексі талаптарын, мемлекеттік қызмет саласындағы заңнаманы сақтау және клиентке бағдарланған сервис дағдыларын жетілдіру бойынша семинар өтті 2026 жылғы 29 қазанда Агенттіктің құрылымдық бөлімшелерінің, Атомдық қадағалау мен бақылау комитетінің және Оңтүстік өңіраралық инспекцияның мемлекеттік қызметшілері арасында «Әдеп кодексі талаптарын және мемлекеттік қызмет саласындағы заңнаманы сақтау және клиентке бағдарланған сервис дағдыларын жетілдіру» тақырыбында семинар өткізілді. Аталған кездесуде Агенттіктің Әдеп жөніндегі уәкілі Н. Джалпаков таныстырылым ұсынып, мемлекеттік қызметтің негізгі қағидаттарын, мемлекеттік қызметшілердің әдеп қағидаттары мен қызметтік әдеп стандарттарын, сыбайлас жемқорлыққа қарсы шектеулерді, мемлекеттік қызметшілердің құқықтық мәртебесін, қызметтік тәртіпті, мемлекеттік қызметшілер мен олардың отбасы мүшелеріне арналған әлеуметтік кепілдіктерді, мемлекеттік қызметті тоқтату тәртібін, қаржылық бақылау шараларын, мүдделер қақтығысын, сыбайлас жемқорлық құқық бұзушылықтар жасағаны үшін қылмыстық және әкімшілік жауапкершілікті және клиентке бағдарланған сервистің негізгі бағыттары жан-жақты түсіндіріп өтті. Семинар барысында қатысушылар мемлекеттік қызметте клиенттерге бағытталған сервисті жетілдірудің негізгі бағыттарын талқылады. Кездесуге қатысушылар мұндай кездесулер мемлекеттік қызметшілердің заңнама талаптары туралы хабардарлығын арттыруға және әдеп нормаларын сақтауға оң әсер ететінін атап өтті.