ԱրցախԻնֆո / АрцахИнфо

«Մոլորված» ադրբեջանցու փոխարեն դիվերսանտների խու՞մբ է եղել. ՊՆ-ից հղում են անում ԱԱԾ-ին MakaryanNews-ի աղբյուրները հայտնում են, որ իրականում ոչ թե մեկ «մոլորված» կամ դիրքը լքած ադրբեջանցի զինվոր է մտել Սյունիքի մարզ ու հայտնվել Շաքի գյուղում, այլ դիվերսանտների խումբ է եղել երեք ադրբեջանցի զինվորներիվ բաղկացած, որոնք մի քանի օր է ՀՀ տարածքում են: Նրանցից մեկին Շաքիի «հերոսին», ինչպես տեսանք, ձերբակալել են, իսկ մյուս երկուսին դեռ փնտրում են: Մեզ ասացին անգամ մեկ պայմանագրային զինծառայողի են սպանել, որի վերաբերյալ, սակայն, որևէ պաշտոնական տեղեկատվություն չկա: ՊՆ-ից մեր տեղեկության վերաբերյալ միայն ասացին իրենք նման տեղեկատվություն չունեն, պաշտոնական տեղեկատվությունն այն է, ինչ տարածել է ԱԱԾ-ն, այսինքն չեն հաստատում երեք դիվերսանտների լուրը, իսկ պայմանագրայինի սպանության մասով էլ ասացին մի զինվորական ընդամենը հանկարծամահ է եղել, ոչ թե նրան սպանել են: Բայց մեր աղբյուրները պնդում են, որ դիվերսանտների մասին մի քանի օր է դիրքերում էլ են տեղյակ, և ՊՆ-ի և մյուս գերատեսչությունների հերքումները կամ առնվազն չհաստատելը կամ «տեղյակ չլինելը» խիստ կասկածելի են համարում, այդ թվում այն, որ զինվորականը «հանկարծամահ է եղել»: Եվ այն, որ Շաքիում 39-ամյա հայ կնոջ վրա կրակած ադրբեջանցի զինծառայողի մասին երեք օր է նույն ՊՆ-ն և մյուս իրավապահները ոչինչ չէին ասում, մինչև որ նա իր «սև գործը» չտեսավ ու դրանից աղմուկ չբարձրացավ, ուժային կառույցների պատասխաններն այս իմաստով շատ քիչ են արդեն հավատ ներշնչում: