Your Tajikistan

🎬 Филми муштараки Тоҷикистону Узбекистон дар бораи дӯстии Ҷомию Навоӣ 16-уми ноябр намоиш дода мешавад Нахустнамоиши махсуси филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» 16-уми ноябр баргузор мегардад. Дар ин бора 12-уми ноябр зимни нишасти матбуотӣ директори «Тоҷикфилм» Маҳмадсаид Шоҳиён хабар додааст. Вохӯрӣ ба муносибати Рӯзи президенти Тоҷикистон ва намоиши дарпешистодаи филм баргузор шудааст. Филм аз зиндагӣ ва фаъолияти эҷодии ду чеҳраи барҷастаи адабиёти Шарқ — Абдураҳмони Ҷомӣ ва Алишери Навоӣ нақл мекунад. Меҳвари асосии достон дӯстии самимии ин ду адиб ва саҳми онҳо дар рушди илму фарҳанг мебошад. Наворбардории филм дар мавзеъҳои таърихии Тоҷикистон ва Узбекистон сурат гирифта, давомнокии он 144 дақиқаро ташкил медиҳад. Дар нишасти матбуотӣ ҳамчунин дар бораи раванди таҳияи филм, интихоби ҳунармандон, забони асар ва дурнамои ҳамкориҳои минбаъдаи синамогарони ду кишвар маълумот дода шудааст. 📲 Your.tj дар ➡️ Telegram / Facebook / Instagram / TikTok / Threads