Дар Женева конфронси байналмилалӣ оид ба мероси илмии Абӯалӣ ибни Сино баргузор шуд 12-уми ноябр бо ташаббуси Тоҷикистон ва дар ҳамкорӣ бо кишварҳои форсизабон дар Қасри Миллатҳои Созмони Милали Муттаҳид дар шаҳри Женева конфронси байналмилалии илмӣ таҳти унвони «Абӯалӣ ибни Сино ва саҳми ӯ дар ташаккули ҷаҳонбинии нави илмӣ» баргузор гардид. Дар ҳамоиш намояндагони корпуси дипломатӣ, созмонҳои байналмилалӣ, муассисаҳои илмӣ-таҳқиқотӣ, донишмандон ва муҳаққиқон иштирок карданд. Иштирокдорон саҳми Абӯалӣ ибни Синоро дар рушди илму фалсафаи ҷаҳонӣ, аҳаммияти мероси илмӣ ва маънавии ӯ ва нақши андешаҳои инсонмеҳваронаи ин мутафаккирро дар таҳкими муколамаи тамаддунҳои Шарқу Ғарб баррасӣ намуданд. Ҳамчунин, масъалаҳои ҳифз, омӯзиш, рақамикунонӣ ва муаррифии мероси илмии Ибни Сино, густариши ҳамкориҳои байналмилалии илмӣ ва тарғиби арзишҳои умумибашарии илму маърифат, хирадгароӣ ва ҳамдигарфаҳмии фарҳангӣ мавриди таваҷҷуҳ қарор гирифтанд. 📲 Your.tj дар ➡️ Telegram / Facebook / Instagram / TikTok / Threads