Your Tajikistan

📌 Муфтии Тоҷикистон ба феҳристи 500 мусалмони бонуфузи ҷаҳон шомил шуд Маркази таҳқиқоти стратегии исломии шоҳигарии Урдун (RISSC), воқеъ дар Аммон, нашри нави феҳристи «The Muslim 500»-ро барои соли 2027 ба нашр расонидааст. Дар он 500 нафар аз мусалмонони бонуфузи ҷаҳон муаррифӣ шудаанд. 🇹🇯 Раиси Шӯрои уламои Маркази исломии Тоҷикистон Саидмукаррам Абдулқодирзода ба бахши «Идоракунии умури динӣ» шомил шудааст. Ҳамчунин, шоҳзода Раҳим Оғохони V, пешвои 50-уми рӯҳонии мусалмонони исмоилӣ, дар бахши ёдоварии ифтихорӣ зикр шудааст. Ҷомеаи исмоилия дар Тоҷикистон низ пайравони зиёд дорад. 🇺🇿 Дар миёни намояндагони Осиёи Марказӣ, Президенти Ӯзбекистон Шавкат Мирзиёев таваҷҷуҳи бештарро ба худ ҷалб кардааст. Ӯ бори аввал ба 50 нафари аввали феҳрист ворид шуда, мақоми 40-умро гирифтааст. Раҳбари ҳаракати «Толибон»* Ҳайбатуллоҳ Охундзода дар ҷойи 43-юм қарор дорад. 🏆 Бори аввал дар таърихи нашрия мақоми аввалро ҳамзамон панҷ нафар соҳиб шудаанд: шоҳи Арабистони Саудӣ Салмон ибни Абдулазиз, валиаҳд Муҳаммад бин Салмон, сарвазири Покистон Шаҳбоз Шариф, фелдмаршал Осим Мунир ва Президенти Туркия Раҷаб Тайиб Эрдуғон. Тавре дар худи феҳрист шарҳ дода шудааст, 50 нафари аввал аз рӯйи ҷойгоҳ радабандӣ шудаанд. Аммо боқимондаи шахсиятҳо дар бахшҳои мавзӯӣ ҷой гирифта, барои онҳо мақоми алоҳидаи рейтингӣ муайян нашудааст. * «Толибон» гурӯҳи мамнуъ дар Тоҷикистон