Your Tajikistan

🚧 Дар Душанбе ду роҳи нав месозанд, ки марказро бо қисми ҷанубии шаҳр мепайвандад Дар пойтахт сохтмони ду қитъаи нави роҳ идома дорад. Яке аз кӯчаи М. Шерализода то кӯчаи Карин Манн ва дигаре аз кӯчаи Н. Ганҷавӣ то кӯчаи Х. Назаров сохта мешавад. Дар ин бора 12-уми ноябр ширкати ТГЭМ хабар додааст. Дар қитъаи аввал такягоҳҳои оҳану бетонии пулҳо, деворҳои муҳофизатӣ ва иншооти обгузар сохта шудаанд. Айни замон корҳои омодасозии таҳкурсии роҳи тақрибан 1,9-километра ва бунёди роҳи муваққатии роҳи оҳан идома доранд. Дар қитъаи дуюм бошад, сохтмончиён таҳкурсии такягоҳҳои пул, деворҳои муҳофизатӣ ва қабати роҳро бунёд карда, ҳамзамон шабакаҳои муҳандисиро мегузаронанд. Дар ин мавзеъ роҳи панҷқатора, пуле бо дарозии беш аз 130 метр аз болои дарёи Душанбе ва роҳгузар низ сохта мешаванд. Интизор меравад, ки роҳҳои нав робитаи нақлиётиро байни марказ ва қисми ҷанубии Душанбе беҳтар карда, ҳаракати мошинҳоро тақсим ва сарбориро ба хиёбони Саъдӣ Шерозӣ кам кунанд. 📲 Your.tj дар ➡️ Telegram / Facebook / Instagram / TikTok / Threads