Your Tajikistan

📌 Сел дар Кӯлоб ба роҳҳо ва 30 қитъаи наздиҳавлигӣ осеб расонд Шоми 10-уми ноябр дар пайи боронҳои шадид дар шаҳри Кӯлоб сел омад. Ҷараёни обу лой кӯчаҳоро зер карда, ба роҳҳо, қубурҳои обпарто ва ҳудуди 25–30 қитъаи наздиҳавлигӣ зарар расонд. Тибқи иттилои Кумитаи ҳолатҳои фавқулода, сел тақрибан соати 21:40 аз боло рафтани сатҳи об дар каналҳои обпарто ва маҷрои дарёҳои Девонасой, Шӯраксой ва Тебалай сар задааст. Обу лой кӯчаҳои чанд маҳаллаи шаҳр, аз ҷумла Хати Роҳ, Даминзода, Фирдавсӣ, Ҷомӣ, 1 Май ва Корвонгузарро фаро гирифтааст. Хушбахтона, талафоти ҷонӣ ва осебдидагон ба қайд гирифта нашудаанд. Наҷотдиҳандагон ва намояндагони мақомоти маҳаллӣ дар ҷойи ҳодиса кор карда, ҳаҷми зарарро муайян мекунанд. Ҳамзамон, мақомоти иҷроияи ҳокимияти давлатии Кӯлоб хабар додааст, ки хонаҳои истиқоматӣ, иншооти иҷтимоӣ, роҳҳо ва пулҳои шаҳр осеб надидаанд. 📲 Your.tj дар ➡️ Telegram / Facebook / Instagram / TikTok / Threads