Your Tajikistan

Боздошти чор нафар дар Душанбе бо гумони дуздии беш аз 91 ҳазор сомонии як ширкати сохтмонӣ Кормандони шуъбаи якуми Вазорати корҳои дохилӣ дар ноҳияи Шоҳмансур чор нафарро бо гумони дуздӣ дастгир кардаанд. Боздоштшудагон Сайдалӣ Нарзуллоев, соли таваллудаш 1998, Анҷуман Исмоилов, сокини 21-солаи Душанбе ва ду ноболиғ ҳастанд. Тибқи иттилои Раёсати ВКД дар шаҳри Душанбе, гумонбарон ба ҳуҷраи кории ширкати сохтмонии ҶДММ «Пойтахт Инвест» ворид шуда, маблағи пулӣ ва телефонҳои мобилиро рабудаанд. Зарари расонидашуда беш аз 91 ҳазор сомониро ташкил медиҳад. Мақомоти милитсия хабар медиҳанд, ки ҳамаи чор боздоштшуда қаблан барои ҷиноятҳои гуногун суд шудаанд. То ҳол вобаста ба ин қазия чор ҳолати дуздӣ ошкор гардида, тафтиши пешакӣ идома дорад. 📲 Шаҳрвандоне, ки эҳтимол аз амали гумонбарон зарар дидаанд, метавонанд тавассути WhatsApp ё Telegram бо рақами (+992) 018020202 ба милитсияи пойтахт муроҷиат кунанд. 📲 Your.tj дар ➡️ Telegram / Facebook / Instagram / TikTok / Threads