Your Tajikistan

Хадамоти алоқа барои муайян кардани назари аҳолӣ оид ба сифати интернет пурсиш мегузаронад Хадамоти алоқаи назди Ҳукумати Тоҷикистон барои муайян кардани сатҳи қаноатмандии аҳолӣ аз сифати интернет ва дигар хизматрасониҳои соҳаи алоқа пурсиши онлайнӣ ташкил кардааст. Ба иттилои ин ниҳод, пурсиш дар доираи татбиқи Стратегияи рушди соҳаи алоқа то соли 2040 гузаронида шуда, ҳадафи он муайян кардани мушкилоти мавҷуда ва таҳияи пешниҳодҳо барои беҳтар намудани сифати алоқа, интернет ва хизматрасонӣ ба муштариён мебошад. Сокинон метавонанд тавассути телефон ё компютер дар пурсиш иштирок карда, назари худро баён намоянд. Пурсиш махфӣ буда, маълумоти шахсии иштирокчиён ва ному насаби онҳо ошкор карда намешавад. Дар саволнома, аз ҷумла, масъалаҳои қаноатмандӣ аз суръати интернет, арзиши хизматрасониҳо ва сифати алоқаи мобилӣ мавриди пурсиш қарор мегиранд. 🔗 Иштирок дар пурсиш: https://ee.kobotoolbox.org/x/zY1hT1Wz 📲 Your.tj дар ➡️ Telegram / Facebook / Instagram / TikTok / Threads