Your Tajikistan

Русия мехоҳад барои аъзои оилаи муҳоҷирони корӣ андози иловагӣ ҷорӣ кунад Аз соли 2027 муҳоҷирони корие, ки ба Русия мераванд, метавонанд барои ҳар як узви оилае, ки ҳамроҳашон меояд, андози иловагӣ пардохт намоянд. Дар ин бора бахши тоҷикии "Спутник" хабар додааст. Ин ташаббус дар лоиҳаи қонуне пешбинӣ шудааст, ки Вазорати корҳои дохилии Русия пешниҳод кардааст. Ба гуфтаи вазири корҳои дохилии ин кишвар Владимир Колоколсев, ҳадаф аз чунин иқдом эҷоди монеаи молиявӣ барои ҷилавгирӣ аз овардани аъзои оилаи корнакунандаи муҳоҷирон мебошад. «Аз соли 2027 барои ҳар як узви оилае, ки ҳамроҳ меояд, андози иловагӣ ҷорӣ хоҳад шуд», — изҳор доштааст Колоколсев зимни ҷаласаи «соати ҳукуматӣ» дар Шӯрои Федератсияи Русия. Лоиҳаи мазкур ҳанӯз дар марҳилаи пешниҳод қарор дорад. 📲 Your.tj дар ➡️ Telegram / Facebook / Instagram / TikTok / Threads