Your Tajikistan

Дар мамнуъгоҳи «Зоркӯл» барои назорати ҳайвоноти ваҳшӣ дурбинҳои худкор насб карданд Дар Мамнуъгоҳи табиии давлатии «Зоркӯл», ки дар ҳудуди ноҳияҳои Мурғобу Ишкошим ҷойгир аст, камераҳои худкор барои мушоҳидаи ҳайвоноти ваҳшӣ насб карда шуданд. Кумитаи ҳифзи муҳити зист 8 ноябр хабар дод, ки таҷҳизоти мазкур дар гузаргоҳҳои табиии ҳайвонот, роҳҳои ҳаракат ва маконҳои ҷамъшавии онҳо ҷойгир карда шудаанд. Ҳадафи ин иқдом тақвияти назорати илмӣ, омӯзиши гуногунии биологӣ ва ҳифзи ҳайвоноти ваҳшӣ, бахусус дар фасли зимистон мебошад. Ба иттилои кумита, аксҳои сабтшуда барои муайян кардани намудҳои ҳайвонот, арзёбии шумораи онҳо, омӯзиши ҳаракатҳои мавсимӣ ва вазъи популятсияашон истифода хоҳанд шуд. 📲 Your.tj дар ➡️ Telegram / Facebook / Instagram / TikTok / Threads