Your Tajikistan

17 шаҳрванди Тоҷикистон барои кор ба Туркия рафтанд 17 шаҳрванди Тоҷикистон, ки дар соҳаҳои кафшергарӣ, барқ ва касбҳои техникӣ ихтисос доранд, барои фаъолият ба Туркия сафар карданд. Дар ин бора Вазорати меҳнат, муҳоҷират ва шуғли аҳолии Тоҷикистон хабар додааст. Ба иттилои манбаъ, барои ин ҷойҳои корӣ беш аз 60 нафар муроҷиат кардаанд. Пас аз интихоби довталабон 17 нафар пазируфта шуда, рӯзи 3 ноябр ба Туркия фиристода шуданд. Интихоб ва ба кор таъмин намудани мутахассисон дар доираи ҳамкории вазорат бо ширкати туркии «Law Ads Danışmanlık» сурат гирифтааст. Пеш аз сафар корфармоёни турк маҳорати касбии довталабонро санҷидаанд. Ҳамчунин, таъкид шудааст, ки тамоми хизматрасониҳо ба корҷӯён тавассути Агентии бокортаъминкунӣ дар хориҷаи вазорат ройгон анҷом дода шудаанд. Қаблан ин агенти хабар дода буд, ки маоши пешниҳодшаванда дар Туркия вобаста ба ихтисос ва вазифа аз 900 то 1200 долларро ташкил медиҳад. 📲 Your.tj дар ➡️ Telegram / Facebook / Instagram / TikTok / Threads