Your Tajikistan

Дар чанд минтақаи Тоҷикистон омадани сел ва баланд шудани сатҳи оби дарёҳо пешгӯӣ мешавад Бар асари боришоти дар назар дошташуда дар ноҳияҳои доманакӯҳу кӯҳии вилоятҳои Суғду Хатлон, ноҳияҳои тобеи ҷумҳурӣ ва қисмати ғарбии Вилояти Мухтори Кӯҳистони Бадахшон эҳтимоли омадани сел вуҷуд дорад. Тибқи иттилои Агентии обуҳавошиносии Тоҷикистон, ҳамчунин баланд шудани сатҳи оби дарёҳои Обихингоб, Вахш, Ёхсу, Қизилсуи Ҷанубӣ ва обҳое, ки аз нишебиҳои ҷанубии қаторкӯҳи Ҳисор ҷорӣ мешаванд, пешбинӣ шудааст. Аз сокинони минтақаҳои мазкур даъват шудааст, ки қоидаҳои бехатариро риоя карда, дар шароити эҳтимоли бад шудани вазъи обу ҳаво эҳтиёткор бошанд. 📲 Your.tj дар ➡️ Telegram / Facebook / Instagram / TikTok / Threads