Your Tajikistan

Дар Ҳисор ҷавони 18-сола бо гумони куштори ҳамдеҳааш боздошт шуд Вазорати корҳои дохилии Тоҷикистон хабар медиҳад, ки Давронҷон Умаров, сокини деҳаи Нурафшони шаҳри Ҳисор, бо гумони куштори ҳамдеҳааш Салоҳиддин Қурбонови 18-сола дастгир шудааст. Ба иттилои манбаъ, шоми 27-уми октябр миёни ин ду ҷавон муноқиша сар зада, Умаров ба қисми чапи қафаси синаи Қурбонов зарба задааст. Ҷабрдида ҷароҳати вазнин бардошта, дар беморхона ба ҳалокат расидааст. Сабаби муноқиша ва мавқеи боздоштшудаву наздикони тарафҳо дар ин бора маълум нест. Нисбати Умаров бо гумони содир намудани ҷинояти одамкушӣ, тибқи моддаи 104, қисми 2-и Кодекси ҷиноятии Тоҷикистон, парвандаи ҷиноятӣ оғоз шудааст. Ин модда аз 15 соли зиндон то ҳабси абадро пешбинӣ мекунад. 📲 Your.tj дар ➡️ Telegram / Facebook / Instagram / TikTok / Threads