Your Tajikistan

Сокинони Тоҷикистон ба муносибати Рӯзи Конститутсия се рӯз истироҳат мекунанд Ба муносибати Рӯзи Конститутсияи Тоҷикистон сокинони кишвар рӯзҳои 6, 7 ва 8-уми ноябр пайиҳам истироҳат хоҳанд кард. Дар ин бора Федератсияи иттифоқҳои касабаи мустақили Тоҷикистон хабар додааст. Ҳамчунин, донишҷӯёни муассисаҳои таҳсилоти олии кишвар рӯзи 6-уми ноябр, ки ба рӯзи ҷумъа рост меояд, ба дарс намераванд. Ин маълумотро аз Вазорати маориф тасдиқ кардаанд. Донишомӯзони муассисаҳои таҳсилоти миёна низ дар ин рӯзҳо истироҳат мекунанд, зеро онҳо дар таътили тирамоҳӣ қарор доранд. 📌 Тибқи Қонуни Ҷумҳурии Тоҷикистон «Дар бораи рӯзҳои ид», 6-уми ноябр, ки ҳамасола Рӯзи Конститутсияи Тоҷикистон таҷлил мешавад, рӯзи истироҳат муқаррар шудааст. Имсол аз қабули Конститутсияи кишвар 32 сол пур мешавад. 📲 Your.tj дар ➡️ Telegram / Facebook / Instagram / TikTok / Threads