Your Tajikistan

Конибодом нақшаи даъвати тирамоҳиро пеш аз муҳлат иҷро кард Шаҳри Конибодом нақшаи даъвати тирамоҳии ҷавонон ба хизмати ҳарбиро пеш аз муҳлат иҷро кардааст. Дар ин бора мақомоти иҷроияи ҳокимияти давлатии шаҳр хабар додааст. Ба иттилои манбаъ, фаъолияти комиссияи даъват ва корҳои фаҳмондадиҳӣ барои иҷрои саривақтии нақша мусоидат кардаанд. Аз рӯзҳои аввали маъракаи даъвати тирамоҳии соли 2026 ҷавонон ихтиёран ба комиссариати ҳарбӣ ҳозир шуда, омодагии худро барои адои хизмати ҳарбӣ изҳор кардаанд. Маъракаи даъвати тирамоҳӣ дар Тоҷикистон аз 1-уми октябр оғоз шуда, то 30-юми ноябр идома меёбад. Тибқи фармони Президенти кишвар, шаҳрвандони солҳои таваллуди 1999–2008 ба хизмати ҳарбӣ даъват мешаванд. Қаблан, 12-уми октябр, Вазорати мудофиаи Тоҷикистон хабар дода буд, ки дар 10 рӯзи аввали даъват беш аз 40 шаҳру ноҳияи кишвар нақшаи худро иҷро кардаанд. Он вақт нишондиҳандаи умумии иҷрои нақша 84 фоизро ташкил медод. 📲 Your.tj дар ➡️ Telegram / Facebook / Instagram / TikTok / Threads