Your Tajikistan

Дар кӯдакистони Хуҷанд 18 кӯдак баъди истеъмоли макарон ва гречка бемор шуданд Дар кӯдакистони №35-и шаҳри Хуҷанд, ки қаблан 18 кӯдак бо нишонаҳои қайкунӣ ва дарунравӣ ба табибон муроҷиат карда буданд, дар намунаҳои макарон ва гречкаи барои ғизои кӯдакон истифодашуда микроб ошкор шудааст. Ба иттилои Маркази назорати давлатии санитарию эпидемиологӣ, 21-уми октябри соли 2026 вазъи саломатии чанд кӯдак дар муассисаи томактабӣ якбора бад шуда, онҳо барои гирифтани ёрии тиббӣ ба беморхона интиқол дода шудаанд. Пас аз ин ҳодиса мутахассисон дар кӯдакистон санҷиш гузаронида, аз маводи ғизоӣ ва дигар қисматҳои муассиса намуна гирифтаанд. Натиҷаҳои ташхис нишон додаанд, ки макарон ва гречкаи истифодашуда олуда ба микроб будаанд. Дар робита ба натиҷаи санҷиш нисбати 11 корманди кӯдакистон протоколҳои ҳуқуқвайронкунии маъмурӣ тартиб дода шудаанд. 📲 Your.tj дар ➡️ Telegram / Facebook / Instagram / TikTok / Threads