Your Tajikistan

Ҷавони 22-сола бо гумони паҳн кардани навору аксҳои хусусии дӯстдухтари собиқаш боздошт шуд Вазорати корҳои дохилии Тоҷикистон аз боздошти як сокини 22-солаи ноҳияи Шаҳристон хабар дод, ки ба паҳн кардани маводи дорои хусусияти шаҳвонӣ гумонбар мешавад. Ба иттилои ин ниҳод, ки 27-уми октябр нашр шудааст, Сироҷиддин Ғоибназаров бо духтари 22-солаи сокини ҳамин ноҳия муносибати ошиқона доштааст. Аммо пас аз он ки духтар ба шавҳар баромадааст, муносибати онҳо қатъ шудааст, ҷавон аксу наворҳои хусусии якҷоя буданашонро, ки дорои хусусияти шаҳвонӣ будаанд, паҳн кардааст. То ҳол назари гумонбар ва духтар дар бораи ин ҳодиса дастрас нест. Ба иттилои ВКД, нисбати Ғоибназаров бо қисми 3-и моддаи 241-и Кодекси ҷиноятии Тоҷикистон парвандаи ҷиноятӣ оғоз шудааст. Ин модда барои ғайриқонунӣ паҳн кардани маводи порнографӣ ҷазо дар шакли аз 6 то 10 соли маҳрумият аз озодиро пешбинӣ мекунад. 📲 Your.tj дар ➡️ Telegram / Facebook / Instagram / TikTok / Threads