Your Tajikistan

Сафорати ИМА аз қаллобӣ дар масъалаи «Грин-корт» ҳушдор дод Сафорати Иёлоти Муттаҳидаи Амрико дар Душанбе аз шаҳрвандони Тоҷикистон даъват кардааст, ки ба миёнаравоне, ки аз оғози сабтином барои қуръакашии «Грин-корт»-и соли 2027 хабар медиҳанд, бовар накунанд. Тавре намояндагии дипломатӣ рӯзи 27 октябр иттилоъ додааст, ҳукумати ИМА барои мубориза бо қаллобӣ ва пешгирии муҳоҷирати ғайриқонунӣ чораҳо меандешад. Сафорат аз шаҳрвандон хостааст, ки маълумоти марбут ба раводидҳои Амрикоро танҳо аз сомонаҳои расмии ҳукумати ин кишвар дастрас кунанд. Қаблан додгоҳе дар ИМА Вазорати корҳои хориҷии ин кишварро уҳдадор карда буд, ки қабули дархостҳо барои иштирок дар қуръакашии «Грин-корт»-и соли 2027-ро на дертар аз 1 ноябри соли 2026 оғоз намояд. Бо вуҷуди ин, ҳанӯз маълум нест, ки сабтином воқеан кай оғоз мешавад. Ҳукумати ИМА метавонад аз болои қарори додгоҳ шикоят кунад ва то баррасии он оғози сабтином ба таъхир афтад. 📲 Your.tj дар ➡️ Telegram / Facebook / Instagram / TikTok / Threads